Sunday, December 21, 2014

နောက်ဆုံးရ မြန်မာသတင်းများ (၂၁ ဒီဇင်ဘာ ၂၀၁၄)

ဒီဇင်ဘာ (၂၁) ရက်
နောက်ဆုံးရ မြန်မာသတင်းများအား
ဓာတ်ပုံပေါ် ကလစ်၍ ဖတ်ရှုပါ။

အပြည့်အစုံသို့...

ဗိုလ်ချုပ်ရာပြည့်အကြို ပြည်သူ့ရင်ပြင်က ဒေါ်အောင်ဆန်းစုကြည်မိန့်ခွန်း (ရုပ်သံ)

အပြည့်အစုံသို့...

ဖေ့စ်ဘွတ်ခ်မှာ ဖတ်ရှုရတဲ့ ကာတွန်းများ (၂၁-၁၂-၂၀၁၄)

အပြည့်အစုံသို့...

လွဏ်းဆွေ - ချစ်သောသူတစ်ယောက်

အပြည့်အစုံသို့...

Saturday, December 20, 2014

ဖေ့စ်ဘွတ်ခ်မှာ ဖတ်ရှုရတဲ့ ကာတွန်းများ (၂၀-၁၂-၂၀၁၄)

အပြည့်အစုံသို့...

လွဏ်းဆွေ - တစ်ဝက်မေတ္တာ

အပြည့်အစုံသို့...

စာအုပ်အဟောင်း ၀ယ်ယူလိုသူများအတွက် ခရစ္စမတ် အထူးလျှော့ဈေး

၂၅ နှစ်ကျော် သက်တမ်းရှိ
''ငြိမ်းချမ်းရေးစာအုပ်အငှားဆိုင်'' (ဈေးလမ်းနှင့်လမ်းမကျယ်ထောင့်၊ တောင်ငူမြို့) မှ လက်ကျန် စာအုပ်အဟောင်းများကို
(၀တ္ထုလုံးချင်း ၂၀၀ အုပ် + ရုပ်ပြကာတွန်း ၂၀၀ အုပ် + မဂ္ဂဇင်း ၁၀၀ အုပ်) သို့မဟုတ် (၀တ္ထုလုံးချင်း ၂၀၀ အုပ် + ရုပ်ပြကာတွန်း ၁၀၀ အုပ် + မဂ္ဂဇင်း ၂၀၀ အုပ်) သို့မဟုတ် (၀တ္ထုလုံးချင်း ၁၂၅ အုပ် + ရုပ်ပြကာတွန်း ၂၀၀ အုပ် + မဂ္ဂဇင်း ၂၀၀ အုပ်)
ငွေကျပ် (၁) သိန်းနှုန်း အထူးလျှော့ဈေးဖြင့် ရောင်းချပေးနေပါကြောင်း
သတင်းကောင်းပါးအပ်ပါသည်။
၂၀၁၄ ခုနှစ် ဒီဇင်ဘာလ ၃၁ ရက်နေ့အထိ ဦးရာလူ စိတ်ကြိုက်ရွေးချယ် ၀ယ်ယူနိုင်ပါပြီ။

စုံစမ်းဆက်သွယ်လိုပါက - ၀၅၄-၂၃၇၂၆

အပြည့်အစုံသို့...

Friday, December 19, 2014

ကဒါဖီ သင်ခန်းစာနှင့် ဗိုလ်ချုပ်မှူးကြီး သန်းရွှေ

အောင်လင်းထွဋ်
(Thaw Zin ရဲ့ ဖေ့စ်ဘွတ်ခ်စာမျက်နှာမှ ကူးယူဖော်ပြသည်။)

လစ်ဗျားခေါင်းဆောင် ကဒါဖီနဲ့ တူသော ဗိုလ်ချုပ်မှူးကြီး သန်းရွှေက အမျိုးသားညီလာခံမှာ ထည့်သွင်းဆွေးနွေးခြင်းမရှိဘဲ ကိုယ့်ကိုယ်ကိုယ် လွတ်ငြိမ်းချမ်းသာခွင့် ပေးထားတဲ့ ဥပဒေကို ၂၀၀၈ အခြေခံဥပဒေမှာ ဘာကြောင့် ထည့်သွင်းခဲ့ရပါသလဲ။ ဘယ်သူကိုမှ မတိုင်မပင်ဘဲနဲ့ ကော်မရှင်အဖွဲ့ဝင် ဦးသောင်းညွန့် (ဥပဒေပညာရှင်နှင့် အငြိမ်းစား ညွှန်ကြားရေးမှူးချုပ်) ကို သူ့အခန်းထဲခေါ်ပြီး ဘာဖြစ်လို့ ရေးခိုင်းရပါသလဲ။

ဦးသောင်းညွန့် ငါးပါးသီလကံကို ချိုးဖောက်ခဲ့ရလို့ စိတ်မကောင်းဖြစ်ခဲ့ရတဲ့အကြောင်း နေပြည်တော် အတွင်းစည်းထဲက သတင်းတွေ ကျနော့်ထံ ရောက်လာခဲ့ပါတယ်။

(၂၀၀၈ ဖွဲ့စည်းပုံ အခြေခံဥပဒေ အခန်း ၁၄၊ ကူးပြောင်းရေးကာလ ပြဋ္ဌာန်းချက်များ၊ အပိုဒ် ၄၄၅ မှာ ပြည်ထောင်စု သမ္မတ မြန်မာနိုင်ငံတော်သည် နဝတနှင့် နအဖတို့၏ ဆောင်ရွက်ချက်များ၊ တာဝန်များနှင့် ရပိုင်ခွင့်များကို ဆက်ခံသည်။ ယင်းအဖွဲ့၊ သို့မဟုတ် အဖွဲ့ဝင်တဦးဦး သို့မဟုတ် အစိုးရအဖွဲ့ဝင် တဦးဦး၏ တာဝန်အရ ဆောင်ရွက်ချက်များအပေါ် အကြောင်းပြုလျက် ယင်းတို့အား တရားစွဲဆိုခြင်း၊ အရေးယူခြင်း မရှိစေရလို့ ဖော်ပြထားပါတယ်။)

ဒီသတင်းတွေနဲ့ပတ်သက်ပြီး ကျနော် အမေရိကန်နိုင်ငံ ဝါရှင်တန်မြို့ မြန်မာသံရုံးမှာ တာဝန်ထမ်းဆောင်နေစဉ် ကာလက အဖြစ်အပျက်လေး တခုကို သွားပြီး သတိရမိပါတယ်။ ၂၀၀၁ ခုနှစ်တွင်းက သံရုံးအမှုထမ်းတဦး မြန်မာနိုင်ငံကနေ အမေရိကန်နိုင်ငံသို့ ပြောင်းရွှေ့ တာဝန်ထမ်းဆောင်ခဲ့ပါတယ်။

ဒီသံတမန်က ကျနော့်အတွက်၊ အထက်က ဗိုလ်မှူးအတွက် အရေးတကြီး သတင်းစုံစမ်းဖို့ ညွှန်ကြားချက် ပေးလိုက်တယ်လို့ ပြောတော့ ဘာလဲလို့ ကျနော်က မေးမိတယ်။

အမေရိကန်အစိုးရအနေနဲ့ မြန်မာစစ်ခေါင်းဆောင်တွေကို နိုင်ငံတကာတရားရုံးတင်ဖို့အထိ စဉ်းစားနေတာ ရှိမရှိ သိချင်တယ်၊ အမြန်စုံစမ်းပြီး အကြောင်းပြန်ပေးပါလို့ ညွှန်ကြားလိုက်ကြောင်း ပြောပါတယ်။ ကျနော် ပြုံးမိလိုက်တယ်။

သြော် … ကိုယ်ခံရမှာကျတော့ ကြောက်တတ်လိုက်တာ၊ သူတပါးတွေကျတော့ “အပြတ်ရှင်းပစ်လိုက်၊ အစိတ်သားတောင် မချန်နဲ့၊ ကုလား၊ လူမှမဟုတ်တာ၊ အမြင့်ဆုံး ထောင်ဒဏ် ချလိုက်” ဆိုပြီး အမိန့်တွေ ပေးနေတဲ့ ဗိုလ်ချုပ်မှူးကြီးရယ်။

အဲဒီအချိန်က ကမ္ဘာမှာ ယူဂိုဆလားဗီးယား သမ္မတဟောင်း မီလိုဆီဗစ်၊ လိုက်ဗေးရီးယား သမ္မတဟောင်း ချားလ် တေလာ၊ ကမ္ဘောဒီးယား အာဏာရှင်ဟောင်း ပိုပေါ့၊ ဆူဒန်သမ္မတ ဘတ်ရှီးယားတို့ နိုင်ငံတကာတရားရုံးမှာ အမှုရင်ဆိုင်နေချိန်ဖြစ်လို့ သူ့အလှည့်များ ဘယ်တော့ရောက်မလဲ ဆိုတာကို စိုးရိမ်လို့ စုံးစမ်းခိုင်းလိုက်တယ်ဆိုတာ ကျနော် နားလည်လိုက်ပါတယ်။

ကျနော်လည်း ဝတ်ကျေတန်းကျေပဲ လောလောဆယ် အခြေအနေမှာတော့ အမေရိကန်နိုင်ငံမှာ ၂၀၀၁ ခုနှစ် စက်တင်ဘာလ ၁၁ ရက်နေ့မှာ ဝါရှင်တန်ဒီစီက ပင်တဂွန်စစ်ဌာနချုပ်နဲ့ နယူးယောက်က World Trade Center အတိုက်ခံနေရလို့ မြန်မာနိုင်ငံကို စိတ်မဝင်စားနိုင်သေးဘူးလို့ သတင်းပြန်ပို့ပေးခဲ့ရတယ်။

စက်တင်ဘာ ၁၁ အရေးခင်းဟာ ဗိုလ်ချုပ်မှူးကြီးအတွက် ဝမ်းသာစရာဖြစ်ခဲ့ရတယ်။ ဘယ်လောက် ဝမ်းသာသလဲဆိုရင် တခြားနိုင်ငံတွေက ခေါင်းဆောင်အသီးသီး အမေရိကန်သမ္မတ ဂျော့ဘုရ်ှထံ ဝမ်းနည်းကြောင်းသဝဏ်လွှာတွေ အသီးသီးပို့နေကြတဲ့အချိန်၊ ကျနော်တို့က ပို့ဖို့တင်ပြတော့ ဟိုလိုလိုဒီလိုလိုလုပ်ပြီး အချိန်အတော်ကြာသည်အထိ မပို့ဘူး။ နောက်ဆုံး အမေရိကန် နိုင်ငံခြားရေးဝန်ကြီးဌာန Burma Desk က သံရုံးကို မေးလို့ မြန်မာနိုင်ငံကို ပြန်ပြောတော့မှ မပို့ချင်ပို့ချင်နဲ့ ဗိုလ်ချုပ်မှူးကြီးက ပို့လိုက်တယ်။

ဗိုလ်ချုပ်မှူးကြီး ဘာဖြစ်လို့ လွတ်ငြိမ်းချမ်းသာခွင့် တောင်းခံရသလဲဆိုရင် ပြည်သူလူထုအပေါ်မှာ ရက်ရက်စက်စက် လုပ်ခိုင်းခဲ့တဲ့အပေါ် သူကိုယ်တိုင် တာဝန်မယူရဲလို့ပဲ။ သူ တိုက်ရိုက်၊ သွယ်ဝိုက် အမိန့်ပေးခဲ့တာတွေကို ပြောရရင်တော့ ၁၉၉၃ ခုနှစ် ဧပြီလမှာ ရခိုင်ပြည်နယ် ဘူးသီးတောင် မောင်းတော နယ်မြေမှာ (ဘင်္ဂလီ) ၄၀၀ ကျော်ကို ရှင်းပစ်ဖို့ အဲဒီအချိန်က အနောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် ဝင်းမြင့် (နောင် အတွင်းရေးမှူး ၃၊ စစ်ရေးချုပ် ဒု-ဗိုလ်ချုပ်ကြီး ဝင်းမြင့်) ကို ကာကွယ်ရေးဦးစီးချုပ် ဗိုလ်ချုပ်မှူးကြီး သန်းရွှေက အမိန့်ပေးခဲ့တယ်။

အဲဒီတုန်းက (ဘင်္ဂလီ) သောင်းကျန်းသူတွေက ဘူးသီးတောင် မောင်းတော နယ်မြေမှာ တနေ့တည်းမှာ မိုင်း ၁၈ လုံးခွဲပြီး ဝင်ရောက်ပစ်ခတ်ခဲ့လို့ စစ်တပ်ကပြန်ပြီး စစ်ဆင်ရေးလုပ်တဲ့အခါ သူပုန်ရော အရပ်သားပါ စုစုပေါင်း လူ ၄၀၀ ကျော် အရှင်ဖမ်းဆီးရမိတယ်။ စစ်ရုံးချုပ်ကို သတင်းပို့တော့ “ကုလား၊ လူမှမဟုတ်တာ ရှင်းပစ်” လို့ အမိန့်ပေးခဲ့တယ်။

၁၉၉၆ ခုနှစ်မှာ အမျိုးသားဒီမိုကရေစီအဖွဲ့ချုပ် (NLD) အမျိုးသားညီလာခံကထွက်တော့ ဗိုလ်ချုပ်မှူးကြီး သန်းရွှေက NLD ကို အကြီးအကျယ် ဒေါသထွက်ပြီး NLD ဆိုရင် ဆွေမျိုးအစဉ်အဆက် ကြောက်သွားအောင် နည်းမျိုးစုံနဲ့ အကျပ်အတည်းဖြစ်အောင် လုပ်ဖို့ ထောက်လှမ်းရေးကို ခိုင်းစေခဲ့တယ်။

၁၉၉၆ ခုနှစ်ထဲမှာပဲ တိုင်းရင်းသားလက်နက်ကိုင် နယ်မြေတွေဖြစ်တဲ့ ရှမ်းပြည်နယ်၊ ကယားပြည်နယ်၊ ပဲခူးတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းတွေမှာရှိတဲ့ စစ်တပ်အင်အားတွေကို သုံးပြီး ရွာတွေရွှေ့ခိုင်းတာမှာ မလိုက်နာရင် အစိတ်သား (၂၅ ကျပ်သား) ဝမ်းဗိုက်ထဲက ကလေးတောင် မချန်နဲ့လို့ အပြတ်ရှင်းဖို့ အမိန့်ပေးခဲ့တယ်။

၁၉၉၈ ခုနှစ် မေလမှာ ဗိုလ်ချုပ်မှူးကြီး သန်းရွှေက ဗိုလ်ချုပ် ကြည်မင်း (ရေတပ် ဦးစီးချုပ်ဟောင်း)၊ ဗိုလ်ချုပ် မြင့်ဆွေ (လေတပ် ဦးစီးချုပ်ဟောင်း)၊ ဗိုလ်ချုပ် သူရမြင့်အောင် (စစ်ရေးချုပ်ဟောင်း)၊ ဗိုလ်မှူးကြီး ဇော်မင်း (အမှတ် ၁ လျှပ်စစ် ဝန်ကြီး) တို့ကို ခရစ္စတီးကျွန်းမှာ အပြစ်မဲ့ အရပ်သား အမျိုးသား၊ အမျိုးသမီး၊ ကလေး ၈၁ ယောက်တို့ကို သတ်ပစ်ဖို့ အမိန့်ပေးခဲ့တယ်။ အဲဒီခရစ္စတီးကျွန်းမှာ ကျနော်ကိုယ်တိုင် ရှိနေတာကြောင့် သက်သေထွက်ဆိုနိုင်ပါတယ်။

၂၀၀၃ ခုနှစ် ဒီပဲရင်းကိစ္စမှာ ဗိုလ်ချုပ်မှူးကြီး သန်းရွှေ ကိုယ်တိုင် ဒေါ်အောင်ဆန်းစုကြည်ကို လုပ်ကြံဖို့ ဗိုလ်ချုပ် စိုးဝင်း (ဝန်ကြီးချုပ်ဟောင်း)၊ ဦးအောင်သောင်း (စက်မှု ၁ ဝန်ကြီး) တို့ကို ခိုင်းခဲ့ပါတယ်။ ဒီကိစ္စနဲ့ပတ်သက်လို့ ထောက်လှမ်းရေးဟောင်းများ၊ တပ်မတော်အရာရှိများ၊ ရဲအရာရှိများက သက်သေထွက်ဆိုနိုင်ပါတယ်။ ဒါတွေက ကျနော် သိတာတွေပါ။ တခြား လူ့အခွင့်အရေး ချိုးဖောက်တာတွေနဲ့ ပတ်သက်လို့ ပြည်သူလူထုတွေသိတာ အများကြီး ရှိပါလိမ့်ဦးမယ်။

၂၀၀၇ ခုနှစ် စက်တင်ဘာလမှာ ဘုရားသားတော်တွေကို သတ်ဖြတ်ညှင်းဆဲတဲ့ ကိစ္စကတော့ ကမ္ဘာကျော်ကိစ္စတခုပါ။ ဒီလို မတရားပြစ်မှုတွေ အများကြီး ကျူးလွန်ထားတဲ့အတွက်ကြောင့်လည်း နိုင်ငံတကာတရားရုံးကို အရမ်းကြောက်ခဲ့တာ။ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ ကင်တားနား တင်ပြတဲ့ စုံးစမ်းစစ်ဆေးရေးအဖွဲ့သာ မြန်မာနိုင်ငံအတွင်း ဝင်ရောက်စစ်ဆေးခွင့်ရမယ်ဆိုရင် ဒီထက်ပိုပြီး အကြောင်းစုံကို သိနိုင်မှာပါ။

ဒါကြောင့် ကာကွယ်ရေးဦးစီးချုပ် ဗိုလ်ချုပ်မှူးကြီး သန်းရွှေ ခိုးကြောင်ခိုးဝှက်နဲ့ ကိုယ့်ကိုယ်ကိုယ် လွတ်ငြိမ်းချမ်းသာခွင့် ပေးထားတဲ့ ဥပဒေအား ၂၀၀၈ အခြေခံဥပဒေမှာ ထည့်ခဲ့တယ်ဆိုတာကို အသိပေးလိုက်ပါတယ်။

ဒါပေမယ့် “စစ်တပ်က ကျူးလွန်ခဲ့တဲ့ ပြစ်မှုအားလုံးဟာ အထက်ကပေးတဲ့ အမိန့်နဲ့ တာဝန်ဖြစ်တဲ့အတွက် ဗိုလ်ချုပ်မှူးကြီး သန်းရွှေ တာဝန်အရှိဆုံးပါ၊ ရှောင်လို့မရဘူးဆိုတာကို သတိပေးလိုက်ပါတယ်”။

ယနေ့ကမ္ဘာမှာ ဖြစ်ပျက်နေတဲ့ အာဏာရှင် တိုင်းပြည်တွေနဲ့ မြန်မာပြည်ရဲ့ အခြေအနေကို နှိုင်းယှဉ်ကြည့်မယ်ဆိုရင် ဗိုလ်ချုပ်မှူးကြီး သန်းရွှေဟာ လစ်ဗျားခေါင်းဆောင် ကဒါဖီလို ရက်စက်ယုတ်မာတဲ့ လူစားမျိုးပါ။ ဒီလိုလူမျိုးကိုလည်း မြန်မာ့တပ်မတော်အနေနဲ့ လစ်ဗျားတပ်မတော်ကဲ့သို့ ဆက်လက် သစ္စာမခံသင့်တော့ပါဘူး။

မြန်မာ့တပ်မတော်အတွင်းက လူစွမ်းကောင်းများ ထွက်ဖို့လိုနေပါပြီ။ မြန်မာပြည်သူတွေဘက်က ရပ်တည်ရမယ့်အချိန်ကို ရောက်နေပါပြီ။ ပြည်သူလူထုနဲ့ပူးပေါင်းပြီး အာဏာရှင် ဗိုလ်ချုပ်မှူးကြီး သန်းရွှေနဲ့မိသားစုကို လစ်ဗျားခေါင်းဆောင် ကဒါဖီနဲ့ မိသားစုလို နိုင်ငံတကာ စစ်ခုံရုံးပို့ပြီး အရေးယူနိုင်ရေး ဝိုင်းဝန်းကြိုးစားကြပါစို့လို့ တိုက်တွန်းလိုက်ပါတယ်။

ဗိုလ်ချုပ်မှူးကြီး သန်းရွှေနဲ့မိသားစုကို ဥပဒေအရ လုံးဝ (လုံးဝ) လွတ်ငြိမ်းချမ်းသာခွင့် မပေးသင့်ပါ။ ။

အပြည့်အစုံသို့...

စစ်တပ် ကျူးလွန်တဲ့ ရာဇဝတ်မှုများ

ဦးအောင်ခင်၊ ကိုဇော်ဝင်းလှိုင်
VOA - 19.12.2014

မြန်မာနိုင်ငံအရှေ့ ပိုင်းဒေသနေ အရပ်သားတွေကို အစိုးရတပ်က သတ်ဖြတ်ညှဉ်းဆဲရာမှာ တာဝန်အရှိဆုံး စစ်ဗိုလ်သုံးဦးရဲ့ အမည်ကို Harvard Law School လူ့အခွင့်အရေးအဖွဲ့က ထုတ်ပြန်ကြေညာထားပါတယ်။ လက်ရှိ ပြည်ထဲရေးဝန်ကြီး ဒု-ဗိုလ်ချုပ်ကြီးကိုကို၊ အထူးစစ်ဆင်ရေးဗျူရိုကစစ်ဦးစီး ဗိုလ်ချုပ်ခင်ဇော်ဦးနဲ့ နေပြည်တော်ရဲ့  တိုင်းမှူးဗိုလ်ချုပ်မောင်မောင်အေးတို့ကို ရာဇဝတ်မှု ကျူးလွန်သူအဖြစ် ဖော်ပြပါတယ်။ ၂၀၀၆ က ၂၀၀၈ အထိ မြန်မာပြည်အရှေ့ ပိုင်း စစ်ဆင်ရေးမှာ အရပ်သားအများအပြားကို သတ်ဖြတ်ခဲ့တဲ့ စစ်ရာဇဝတ်မှုမှာ တာဝန်ရှိကြောင်း (၇၈) မျက်နှာအစီရင်ခံစာမှာ ဖော်ပြထားပါတယ်။ မြန်မာပြည်အရှေ့ ပိုင်းမှာ ကွင်းဆင်းလေ့လာစုံစမ်းပြီး ရေးသားထားတဲ့ အစီရင်ခံစာ ဖြစ်ပါတယ်။

၂၀၀၉ ခုနှစ်ကလည်း အစိုးရတပ်ကျူးလွန်တဲ့ ရာဇဝတ်မှုကြီးတွေကို လေ့လာဆန်းစစ်ထားတဲ့ စာမျက်နှာ တစ်ရာကျော်အစီရင်ခံစာကို ဟားဗတ်လူ့အခွင့်အရေးအဖွဲ့က ထုတ်ဝေဖူးပါတယ်။ အဲဒီတုန်းကတော့ ကုလသမဂ္ဂထုတ်ပြန်တဲ့ စာရွက်စာတမ်းကိုသာ လေ့လာဆန်းစစ်ပြီး အစီရင်ခံစာရေးတာ ဖြစ်ပါတယ်။ ဒီလို လေ့လာရာမှာ အိုင်စီစီ နိုင်ငံတကာရာဇဝတ်ခုံရုံးရဲ့  ရောမ ဥပဒေကို ကိုက်တံအဖြစ် သုံးထားတာကြောင့် တရားခံစစ်ဗိုလ်တွေကို နိုင်ငံတကာရာဇဝတ်ခုံရုံးက စီရင်ပိုင်ခွင့်ရှိတယ်လို့ ဆိုပါတယ်။

အစိုးရတပ်ရှိတဲ့ဒေသမှာ အတင်းအဓမ္မခိုင်းစေမှု၊ စစ်သားစုဆောင်းမှု၊ မုဒိမ်းမှု၊ လူသတ်မှု စတာတွေ ဖြစ်ပွားနေတာ ကြာလှပါပြီ။ ဒီလိုနှစ်ပေါင်းများစွာ တဖက်သတ်အနိုင်ကျင့်ပြီး မတရားလုပ်တာကို ဗိုလ်ချုပ်မှူးကြီးသန်းရွှေနဲ့ အဖွဲ့က သူတို့နဲ့ မဆိုင်သလို လုပ်နေပါတယ်။ ၁၉၈၈ ကစတဲ့ အနှစ် (၂၀) ကျော် စစ်တပ်ရဲ့  လုပ်ရပ်ကို တရားစွဲခြင်း၊ အရေးယူခြင်း မလုပ်ရလို့ အခြေခံဥပဒေပုဒ်မ (၄၄၅) က တားမြစ်ထားပါတယ်။ ၂၀၀၈ အခြေခံဥပဒေဟာ စစ်အုပ်စု မတရားလုပ်ခဲ့တာကို ကာကွယ်ပြီး အခွင့်ထူးခံစားခွင့်ပေးထားပါတယ်။ တကယ်တော့ ဗိုလ်ချုပ်မှူးကြီးသန်းရွှေလက်ထက်မှာ ရာဇဝတ်မှုအများဆုံး စစ်တပ်က ကျူးလွန်ခဲ့တာ ဖြစ်ပါတယ်။ နေပြည်တော်တည်ဆောက်မှု အပါအဝင် စီမံကိန်းနဲ့ စစ်ဆင်ရေးကြောင့် အတင်းအဓမ္မဖယ်ရှားခံရတဲ့ ဒေသခံအရပ်သားဒုက္ခသည်တွေ သန်းချီပြီး ရှိနိုင်ပါတယ်။

စစ်တပ်အကြီးအကဲရဲ့  အကျင့်ဟာ စစ်တပ်မှာ ရောင်ပြန်ဟပ်တာမို့ စစ်ခေါင်းဆောင် ကိုယ်ကျင့်တရား မကောင်းရင်မကောင်းသလို စစ်တပ်ကလည်း ဖောက်ပြန်တတ်ပါတယ်။ ၁၉၆၂ ဇူလိုင် (၇) ရက် ဆန္ဒပြပွဲ၊ ၁၉၆၅၊ ၁၉၆၉ နဲ့ ၁၉၇၀ ကျောင်းသားအုံကြွမှု၊ ၁၉၇၄ မေလ အလုပ်သမားသပိတ်နဲ့ ဒီဇင်ဘာဦးသန့်အရေးအခင်း၊ ၁၉၇၅ ကျောင်းသားဆန္ဒပြပွဲ၊ ၁၉၇၆ မှိုင်းရာပြည့်ဆန္ဒပြပွဲ၊ ၁၉၇၇ ကျောင်းဆန္ဒပြပွဲ၊ ၁၉၈၈ အရေးတော်ပုံစတာတွေကို နှိမ်နင်းသတ်ဖြတ်တဲ့ ရာဇဝတ်မှုမှာ တာဝန်အရှိဆုံးဟာ ဗိုလ်ချုပ်ကြီးနေဝင်း ဖြစ်ပါတယ်။ အဲဒီတုန်းကတော့ စစ်အေးတိုက်ပွဲဖြစ်နေလို့ ကွန်မြူနစ် ဆန့်ကျင်တဲ့ ဗိုလ်နေဝင်းကို အနောက်တိုင်းက လက်ပိုက်ကြည့်နေခဲ့ပါတယ်။ ကမ္ဘောဒီးယားခေါင်းဆောင် လူသတ်ကောင် Pol Pot ကို ၁၉၇၇ မှာ သွားတွေ့တဲ့ တဦးတည်းသော နိုင်ငံတော်အကြီးအကဲဟာ ဦးနေဝင်း ဖြစ်ပါတယ်။

၁၉၈၈ လူထုအုံကြွမှုကို သတ်ဖြတ်နှိမ်နင်းပြီးတဲ့နောက်ပိုင်း တိုးချဲ့ လိုက်တဲ့စစ်တပ်ဟာ လူ့အခွင့်အရေး ချိုးဖျက်မှုနဲ့ အဂတိလိုက်စားမှုကြောင့် နာမည်ပျက်လာပါတယ်။ တိုင်းသူပြည်သားကို လုပ်ခမပေးဘဲ အတင်းအဓမ္မ ခိုင်းစေတာဟာ လူသားအားလုံးအပေါ်မှာ ရာဇဝတ်မှု ကျူးလွန်တာဖြစ်ကြောင်း ILO စုံစမ်းရေးကော်မရှင် အစီရင်ခံစာမှာ ဖော်ပြပါတယ်။ ၁၉၉၆ ကျောင်းသားအုံကြွမှု ဖြစ်ပွားပြီးတဲ့ နောက်ပိုင်းမှာ အကြမ်းဖက်မှုတွေ များလာပါတယ်။ ၂၀၀၃ မှာ ဖြစ်ပွားတဲ့ ဒီပဲယင်း လူသတ်ပွဲမှာ ရာနဲ့ချီပြီး သေဆုံးပြန်ပါတယ်။ အဲဒီနောက် ၂၀၀၇ မှာ သံဃာဦးဆောင်တဲ့ ပြည်သူဆန္ဒပြပွဲကို စစ်အစိုးရက အကြမ်းဖက်နှိမ်နင်းပြန်ပါတယ်။ စစ်ဖြစ်ပွားမှုနဲ့ လူ့အခွင့်အရေး ချိုးဖျက်မှုကြောင့် ဦးသန်းရွှေ လက်ထက်မှာ နေရပ်ကို စွန့်ခွါရသူ အရပ်သားပေါင်း တသန်းကနေ သုံးသန်းအထိ ရှိနိုင်တယ်လို့ ခန့်မှန်းကြပါတယ်။

ရိက္ခာ၊ ရန်ပုံငွေ၊ သတင်း နဲ့ တပ်သားသစ်ကို တိုင်းရင်းသားတပ်ဖွဲ့တွေ မရနိုင်အောင် ဒေသခံရွာသူရွာသားနဲ့ အဆက်ဖြတ်တဲ့ ဖြတ် (၄) ဖြတ် စစ်ဆင်ရေးလမ်းစဉ်ကို ဦးနေဝင်းရော ဦးသန်းရွှေရော ကျင့်သုံးပါတယ်။ အထက်အမိန့်နာခံပြီး လုပ်တဲ့စစ်ဗိုလ်ဟာ အမှားအမှန် ဝေဖန်နိုင်တာ မဟုတ်ပါဘူး။ အထက်ကခိုင်းရင် အမျိုးသမီး၊ ကလေး၊ ဘုန်းကြီး၊ လူကြီးလူငယ် အရွယ်မရွေး စစ်တပ်က ပစ်သတ်ပါတယ်။ အရပ်သားသတ်ဖြတ်တာကို တာဝန်ကျေပွန်တဲ့ စစ်မှုထမ်းလို့ သတ်မှတ်ပါတယ်။

၂၀၀၂ ဒီဇင်ဘာမှာ ဦးနေဝင်း သေတဲ့အခါ မြန်မာပြည်ကို ဖျက်ဆီးသူကြီး သေပြီလို့ Economist စာစောင်က ရေးပါတယ်။ ဦးသန်းရွှေလက်ထက်မှာ သေကြေပျက်စီးသူတွေနဲ့ ဒုက္ခရောက်သူတွေ သန်းချီပြီ ရှိနိုင်တယ်လို့ ခန့်မှန်းကြပါတယ်။ ဒါပေမဲ့ သူတို့ကို အရေးယူဖို့ ဘယ်သူကမှ စိတ်ကူးပုံ မရသေးပါဘူး။ နေပြည်တော်က ကာကွယ်ရေးဌာနပြတိုက်မှာ ဗိုလ်ချုပ်အောင်ဆန်း ဓါတ်ပုံကို ဗိုလ်ချုပ်ကြီးနေဝင်း နဲ့ ဗိုလ်ချုပ်မှုးကြီးသန်းရွှေတို့ရဲ့  ဓါတ်ပုံတွေက ခြံရံထားတယ်လို့ သိရပါတယ်။ ဦးနေဝင်း နဲ့ ဦးသန်းရွှေတို့ကို မင်းဆိုးမင်းညစ် စစ်တရားခံအစစ်အဖြစ် နိုင်ငံခြားစာနယ်ဇင်းတွေက ဖော်ပြကြပေမယ့် အစိုးရတပ်ကတော့ စစ်ခေါင်းဆောင်ကြီးတွေအဖြစ် ဆက်လက်ကိုးကွယ်ဆည်းကပ်နေဆဲ ဖြစ်ပါတယ်။

အပြည့်အစုံသို့...

ဖေ့စ်ဘွတ်ခ်မှာ ဖတ်ရှုရတဲ့ ကာတွန်းများ (၁၉-၁၂-၂၀၁၄)

အပြည့်အစုံသို့...