Thursday, June 30, 2016

လားရှိုးမြို့နယ်တွင် ဖမ်းဆီးခံရွာသားများ၏ အလောင်းများ တူးဖော်တွေ့ရှိ

နန်းမြနဒီ - DVB 30 June 2016

ရှမ်းပြည်မြောက်ပိုင်း လားရှိုးမြို့နယ် မိုင်းယော်တိုက်နယ်ထဲမှာ သတ်ဖြတ်ပြီးမြေမြှုပ်ခံထားရတဲ့ ရွာသား ၅ ယောက်ရဲ့ အလောင်းတွေ တွေ့ရှိခဲ့တယ်လို့ ဒေသခံတွေက ပြောပါတယ်။

သေဆုံးသူရွာသား ၅ ဦးဟာ ပြီးခဲ့တဲ့ ဇွန်လ ၂၅ ရက်နေ့က မြန်မာ့တပ်မတော်စစ်ကြောင်းက ဖမ်းဆီးခေါ်ဆောင်ခံရသူတွေဖြစ်ပြီး ပလောင်နဲ့ရှမ်းလူမျိုးတွေဖြစ်ကြတယ်လို့ ရွာသားတွေက တညီတညွတ်တည်း ပြောဆိုကြပါတယ်။

ဇွန်လ ၂၉ ရက်နေ့မှာတော့ မိသားစုဝင်တွေက မြေမြှုပ်ထားတဲ့ အလောင်းတွေကို ပြန်လည်တူးဖော်တွေ့ရှိခဲ့တာ ဖြစ်ပါတယ်။

ကိုယ်တိုင်ရောက်ရှိသတင်းယူနေတဲ့ ဒီဗွီဘီသတင်းထောက် ခွန်ဇော်ဦးက အလောင်းတွေ မြင်တွေ့ရပုံကို အခုလိုပြောပါတယ်။

သူက “လားရှိုးကနေ မိုင်းယော်သွားရင် မိုင်းယော် အ၀င်ဆိုင်းဘုတ်မရောက်ခင် တမိုင်လောက် အကွာရဲ့ လမ်းဘေးမှာ ပေ ၂၀ လောက်အကွာက ရေမြောင်းထဲမှာက အမျိုးသား အလောင်းနဲ့ အမျိုးသမီးအလောင်း တလောင်းစီပေါ့နော်၊ အဲဒီဟာကျတော့ ကျနော်တို့က မဖော်တော့ဘူး ပေါ့နော် အရမ်းနံလို့ဆိုပြီးမှ ရေမြောင်းထဲကဟာနဲ့ သူများလာဖို့သွားတယ်။ အဲဒီ အလောင်းတွေကို နည်းနည်းကျော်သွားပြီးတဲ့အခါကျတော့ ပြောင်းခြံရှိတယ်လေ။ အဲဒီ ပြောင်းခြံရဲ့ တောင်ကုန်းပေါ်မှာကျတော့ ၂ ယောက်တကျင်း၊ ၃ ယောက် တကျင်းမြှုပ်ထားတယ်။ အဲဒါတွေ ဖော်တွေ့တယ်။ အဲဒီအလောင်းငါးလောင်းမှာ တချို့က ပြောက်ကျားဘောင်းဘီဝတ် ထားတယ်။ တချို့က စစ်စိမ်းရောင် ၀တ်ထားတယ်။ ရွာသားတွေ ပြောတာတော့ ဖမ်းသွားတုန်းက အရပ်ဝတ်နဲ့ပဲဖြစ်တယ်လို့ ပြောကြတယ်။” လို့ ပြောပါတယ်။

မျက်မြင်တဦးဖြစ်တဲ့ မိုင်းယော်ရွာသား စိုင်းလွိုင်ဖက မြေမြှုပ်ခံရတဲ့ ရွာသားတွေဟာ မိုင်းယော် ကျေးရွာအုပ်စု မန့်ကစ်ရွာက ၃ ဦး နဲ့ မန့်တပ်ရွာက ၂ ဦး (ပလောင်ရွာသား ၃ ဦး နဲ့ ရှမ်းရွာသား ၂ ဦး) တို့ဖြစ်တယ်လို့ ဒီဗွီဘီကို ပြောပါတယ်။

“၂၅ ရက်နေ့ မွန်းလွဲ တစ်နာရီခွဲလောက်က ရွာသားတွေ ပြောင်းဖူးခင်းမှာ ပေါင်းသင်နေတုန်း တပ်မတော်စစ်ကြောင်းဝင်လာတယ်၊ သူတို့ လမ်းဘေးမှာခနနားတယ်၊ ပြီးတော့ လမ်းပေါ်ဖြတ် သွားတဲ့ ဆိုင်ကယ်တွေကားတွေ တားပြီးစစ်မေးတယ်။ အဲဒီမှာ ဆိုင်ကယ်တစ်စီးက မရပ်ဘဲ ဖြတ်မောင်းတယ်။ စစ်တပ်က သေနတ်တစ်ချက် ၂ ချက် ပစ်ဖောက်တယ်၊ ဆိုင်ကယ်လဲသွား တယ်။ သေနတ်သံထွက်တော့ စစ်ကြောင်းကရှည်တော့ အနောက်က တက်လာတဲ့ စစ်သားတွေ က တိုက်ပွဲဖြစ်တယ်ထင်ပြီး သေနတ်တွေပစ်ပြီး တက်လာတယ်။ ဆိုင်ကယ်ပေါ်က လူ ၂ ယောက်လည်း သေနတ်ထိတယ်။ ရွာသားတွေလည်း ထွက်ပြေး၊ တချို့က ၀ပ်နေကြတယ်။ နာရီဝက်လောက် သေနတ်သံတွေဆူညံပြီး ငြိမ်သွားတော့ စစ်ကြောင်းက ယာခင်းထဲက ရွာသား ၅၀ လောက်ကို အကုန်ခေါ်စစ်တယ်။ လက်နက်ကိုင်အဖွဲ့အကြောင်း မေးတယ်။ နောက်ပြီး လူငယ် ၅ ယောက်ကို ဖမ်းခေါ်သွားတယ်။ မနေ့က အဲဒီမှာ စစ်တပ် မရှိတော့ဘူးဆိုလို့ မိသားစု တွေက သွားရှာတာ အလောင်းတွေကို မြေမြှုပ်ထားတာ တွေ့တယ်။ ၃ ယောက်က တကျင်း၊ နှစ်ယောက်က တစ်ကျင်း၊ တချို့ကို စစ်ဝတ်စုံ ၀တ်ပေးထားတယ်။ သူတို့ မိဘတွေကတော့ သူတို့သားက ယာခင်းသွားတုန်းက ၀တ်သွားတဲ့ အင်္ကျီတွေမဟုတ်ဘူးလို့ ပြောတယ်။”

အခင်းဖြစ်တဲ့ဒေသမှာ လက်နက်ကိုင်အဖွဲ့တွေအဖြစ် မန်ပန်ပြည်သူ့စစ်နဲ့ ပြည်သူ့ရဲတပ်ဖွဲ့ပဲ ရှိပြီး တိုက်ပွဲလည်း မဖြစ်ပါဘဲနဲ့ ရွာသားတွေ ဖမ်းဆီးခံရ၊ အသတ်ခံရတဲ့ပေါ် နားမလည်နိုင်ကြောင်း၊ အလောင်းဖော်ထုတ်တွေ့ရှိချိန်အထိ ဘယ်အာဏာပိုင်တွေကမှ လာရောက်ကြည့်ရှုစစ်ဆေးတာ မရှိသေးဘူးလို့ ပြောပါတယ်။

ဒီလူတွေကို ဖမ်းဆီးသွားကတည်းက မိသားစုတွေက ပြန်လည်လွှတ်ပေးဖို့ တပ်မတော်တပ်ဖွဲ့ တွေထံ သွားရောက်တောင်းဆိုရာမှာ ပြန်လည်လွှတ်ပေးလိုက်ပြီလို့ ပြန်ပြောကြောင်း၊ ဒါပေမယ့် ရွာကိုရောက်မလာတဲ့အတွက် တပ်စခန်း ထွက်ခွာချိန်မှာ လိုက်လံရှာဖွေရှာမှာ မြေမြှုပ်ထားတဲ့ အလောင်းတွေကို တွေ့ရှိခဲ့တာဖြစ်ကြောင်း ရွာသားတွေပြောဆိုချက်အရ သိရပါတယ်။

ဒီဗွီဘီက သီးခြားအတည်မပြုနိုင်ပေမယ့် ရွာသားတွေအကြား ပြောဆိုနေကြတာကတော့ အဲဒီဒေသမှာ လာရောက်လှုပ်ရှားတဲ့တပ်ဟာ ခမရ ၃၆၂ က ဖြစ်တယ်လို့ ဆိုပါတယ်။

မိုင်းယော်ရွာသူတဦးကလည်း သေဆုံးသူ မိသားစုတွေရဲ့ အခြေအနေကို အခုလိုပြောပြပါတယ်။

“သူတို့က ဘာမှမရှိဘူး။ သူများပြောင်းဖူးခြံကို နေ့စားနဲ့ သွားပေါက်စားနေကြတာ၊ သေတဲ့ ပလောင်လူငယ်တွေက ဗမာစကားလည်း မပြောတတ်၊ ရှမ်းစကားလည်းမတတ်၊ မိန်းမနဲ့ ကလေးရှိတယ်။ ကလေးက ငယ်ငယ်လေးတွေ၊ သူတို့မိန်းမရော အမေတွေရော အိမ်ရှေ့တံခါး ပေါက်မှာ ထိုင်ပြီးငိုနေကြတယ်။ သိပ်သနားစရာကောင်းတယ်” လို့ ပြောပါတယ်။

လားရှိုးမြို့နယ် ရှမ်းတိုင်းရင်းသားများဒီမိုကရေစီအဖွဲ့ချုပ် အမျိုးသားလွှတ်တော်အမတ် ဦးစိုင်းဝမ်း လိုင်းကတော့ အစိုးရက ငြိမ်းချမ်းရေးတည်ဆောက်ဖို့ ကြိုးစားနေချိန် ခုလိုဖြစ်ပျက်သွားတာ အင်မတန်စိုးရိမ်စရာကောင်းတယ်လို့ ဒီဗွီဘီကို ပြောပါတယ်။

“ကျနော်တို့ ပါတီဝင်တွေနဲ့အတူ ဒီနေ့ဘဲ အလောင်းဖော်တဲ့နေရာကနေ ရွာကသုဿန်မှာ သွား သဂြိုဟ်တဲ့အထိ လိုက်လံ ပို့ဆောင်ခဲ့ပါတယ်၊ သေဆုံးသူရဲ့ မိဘတွေ၊ မိသားစုဝင်တွေကိုတွေ့ တော့ တော်တော်ဘဲစိတ်မကောင်းဖြစ်ရတယ်၊ ပြောချင်တာကတော့ သူတို့အတွက်တရားမျှတမှု ဖြစ်စေချင်တယ်၊ တရားဥပဒေနဲ့အညီ ဆောင်ရွက်ပေးစေချင်တယ်၊ ပြစ်မှုကျူးလွန်တဲ့သူတွေကို ဖမ်းဆီးအရေးယူသင့်တယ်၊ အခုတော့ ဘယ်သူမှ ဘာမှမသိဘဲသတ်ဖြတ်သွားတယ်ဆိုတော့ ဒါလုံးဝ မဖြစ်သင့်တဲ့ကိစ္စပါ၊ တိုင်းပြည်ကလည်း ငြိမ်းချမ်းရေးကိစ္စကို အရေးတကြီးဖော်ဆောင်နေ တဲ့အချိန်လည်းဖြစ်တယ်။ ဒါ အင်မတန်မှစိုးရိမ်စရာကောင်းတဲ့ အခြေအနေဖြစ်ပါ တယ်ခင်ဗျ။”
သူတို့ပါတီအနေနဲ့ ဘယ်လိုကူညီဆောင်ရွက်ပေးနိုင်မလဲဆိုတာကတော့ မိသားစုဝင်တွေနဲ့အတူ တိုင်ပင်ရဦးမှာဖြစ်ကြောင်း၊ လောလောဆယ် ပူဆွေးနေတဲ့အတွက် ဘာမှမဆွေးနွေးရသေးဘူး လို့ ပြောပါတယ်။
- လားရှိုးမြို့နယ်တွင် ဖမ်းဆီးခံရွာသားများ၏ အလောင်းများ တူးဖော်တွေ့ရှိ click

အပြည့်အစုံသို့...

Wednesday, June 29, 2016

Facebook မှာ ဖတ်ရှုရတဲ့ ရောင်စုံကာတွန်းများ (၂၉ ဇွန် ၂၀၁၆)

အပြည့်အစုံသို့...

နောက်ဆုံးရ မြန်မာသတင်းများ

နောက်ဆုံးရ မြန်မာသတင်းများအား
ပုံပေါ် ကလစ်၍ ဖတ်ရှုပါ။

အပြည့်အစုံသို့...

ပြည်သူ့အတွက် ''ပြည်သူ့ဟစ်တိုင်''

စည်းကမ်းချက်များ ။ ။ မည်သူမဆို ဤ "ပြည်သူ့ဟစ်တိုင်'' တွင် မြန်မာ့ဒီမိုကရေစီရေးလှုပ်ရှားမှုကို အထောက်အကူဖြစ်စေမည့် ထောက်ပြ ဝေဖန် သုံးသပ်ချက်များကို လာရောက် ရေးသားရင်ဖွင့်နိုင်ပါသည်။ လွတ်လပ်စွာ ရေးသားခွင့်ကို အလွဲသုံးစားပြု၍ ရင့်သီးရိုင်းစိုင်း ရုန့်ရင်းကြမ်းတမ်းစွာ ရေးသားခြင်း၊ ညစ်ညမ်းစွာ ဆဲဆိုရေးသားခြင်း၊ ပုဂ္ဂိုလ်ရေး ထိခိုက်နစ်နာမှုရှိစေရန် တိုက်ခိုက်ရေးသားခြင်း၊ အများပြည်သူ ဖတ် ကြည့် နားဆင်ရန် မသင့်လျော်သည့် link များ လာထည့်ခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် အရေးအသားများ ရေးသားခြင်း၊ လူမျိုးရေး ဘာသာရေး အစွန်းရောက်စွာ လှုံ့ဆော်သည့် link များ လာထည့်ခြင်းများကို လုံးဝ ခွင့်မပြုပါ။ တွေ့ရှိပါက သက်ဆိုင်ရာ စာသားများ၊ link များကို ပယ်ဖျက်ခြင်း၊ IP Address များကို ပိတ်ပင်ခြင်းများဖြင့် အရေးယူမှု ပြုလုပ်ပါမည်။ အရေးယူခံရမှုများအတွက် ဖြေရှင်းချက်ပေးမည်မဟုတ်ပါ။ အခါအားလျော်စွာ စည်းကမ်းချက်အသစ်များကို ထပ်မံထုတ်ပြန်ပါမည်။ (မိမိ ရင်ဖွင့်ချင်သည်များကို ရေးသားပြီးပါက Post ကို နှိပ်ပြီးလျှင် Refresh လုပ်၍ ဖတ်ရှုပါ။)

အပြည့်အစုံသို့...

Sunday, June 26, 2016

အဘဦးဂျော်ဂျီ

အဘဦးဂျော်ဂျီ

အဘ အသက်က ၈၅ နှစ်ကျော်ပြီ။ ဒီအသက် ဒီအရွယ်အထိ ဆိုက္ကားနင်းစားတုန်း ...။ ကျနော် သွားစရာရှိရင် အမြဲအားပေးနေကျ ဆိုက္ကားဆရာကြီးပေါ့။

အဘက ကျနော်တို့ခြံဘေးက စက်ဘီးပြင်ဆိုင်နားမှာ မနက်ပိုင်းဆို အမြဲ ဂိတ်လာထိုးတယ်။ ကျနော် သွားစရာရှိရင် အိမ်နောက်ဘက်ကို ထွက်၊ ခြံစည်းရိုး အုတ်တံတိုင်းနား ကပ်ပြီး ''အဘ ... အဘ'' လို့ နှစ်ခါလောက် ခပ်ကျယ်ကျယ် အော်လိုက်ရင် သိပ်မကြာဘူး၊ အိမ်ရှေ့ကို အဘ ရောက်လာတယ်။

တကယ်တော့ အသက် ၈၅ နှစ်ကျော်အရွယ် အဘိုးကြီးတယောက် နင်းပို့တဲ့ ဆိုက္ကားကို ကျနော် မစီးချင်ပါဘူး၊ စီးလည်းမစီးရက်ပါဘူး။ ဒါပေမယ့် ဒီအသက်အရွယ်အထိ ဆိုက္ကားနင်းစားနေတဲ့ အဘရဲ့ ကိုယ့်အားကိုယ်ကိုး အသက်မွေးဝမ်းကျောင်းလိုတဲ့ စိတ်ဓာတ်ကို လေးစားဂုဏ်ပြုတဲ့အနေနဲ့ ကျနော် အားပေးစီးနင်းခြင်းဖြစ်ပါတယ်။

ဒါပေမယ့် အဘ နင်းပို့တာကို လူကိုယ်တိုင် လိုက်ပါပြီး စီးခဲပါတယ်။ အိမ်နဲ့ နည်းနည်းဝေးတဲ့ စာတိုက်လိုနေရာမျိုးကို တယ်လီဖုန်းဘေလ် သွားဆောင်တဲ့အခါမျိုးသာ တလတခါလောက် အဘ နင်းပို့တာကို ကိုယ်တိုင်လိုက်ပါပြီး စီးဖြစ်ပါတယ်။

အဲဒီအခါမျိုးမှာ အဘကို အားပေးချင်စိတ်နဲ့သာ လိုက်ပါစီးနင်းရတယ်၊ ကားတွေ တ၀ီဝီ ဖြတ်မောင်းနေတဲ့ ရန်ကုန်-မန္တလေး အဝေးပြေးလမ်းမကို ဖြတ်ကူးရင် လမ်းရှင်းမရှင်း အဘကို ကူကြည့်ပေးရင်း ကျနော့်မှာ ရင်တထိတ်ထိတ် အသည်းတယားယား ...။ မီးရထားလမ်းနားက ကုန်းအတက်လိုနေရာကို လှမ်းမြင်တဲ့အခါ ''အဘ ကျနော် ဆင်းလျှောက်ပေးရမလား'' လို့ ကျနော်က အမေး … အဘက ''ဘာလို့ ဆင်းရမှာလဲ ... အသာထိုင်နေ'' လို့ မာနသံနဲ့ ပြောရင် ကျနော့်မှာ အားတုံ့အားနာ ...။ နည်းနည်းမတ်စပြုလာတဲ့ နေရာရောက်လို့ မနေတတ်တဲ့အဆုံး ''အဘ ... နေ နေ .. ကျနော် အပေါ်ရောက်တဲ့အထိ ဆင်းလျှောက်ပေးမယ်'' လို့ ပြောပြီး အတင်းဆင်းမယ့်ဟန်ပြုမှ အဘက ရပ်ပေးတာ ...။

အဘကို အမြဲလိုလို မြင်တွေ့ရပုံက ဆိုက္ကားဆရာတွေ ဆောင်းလေ့ရှိတဲ့ ဟောင်းနွမ်းနေတဲ့ ၀ါးဦးထုပ်ရယ်၊ ဖားဥစွဲနေတဲ့ အကျီလက်ပြတ်အဖြူရယ်၊ ပါးလှပ်ပြီး အရောင်လွင့်နေတဲ့ ပလေကပ်လုံချည် နီညိုရောင်ရယ် ...။

တခါမှာ လူကိုယ်တိုင် ထိုင်စီးလာရင်း ''အဘ ... အဘ ၀တ်ဖို့ ကျနော် ပေးထားတဲ့ အင်္ကျီနဲ့ပုဆိုး အဘ ဘာလို့ မ၀တ်တာလဲ။ အဘကို မြင်လိုက်ရင် တခါလာလည်း ဒီအင်္ကျီနဲ့ ဒီပုဆိုးပဲ'' လို့ မေးပြောလေးပြောမိတော့ အဘက ''ဆိုက္ကားသမားဆိုတာ ဆိုက္ကားသမားရုပ်ပေါက်အောင် နေရတယ် င့ါမြေးရဲ့၊ သစ်သစ်လွင်လွင် ၀တ်စားပြီး ဆိုက္ကားသမားရုပ်မပေါက်ရင် ဘယ်သူက ငှားစီးမလဲ'' လို့ ပြန်ပြောတော့ ကျနော် အသံတိတ်သွားခဲ့ရတယ်။

နှစ်ရှည်လများ နေပူစပ်ခါးထဲ ဆိုက္ကားနင်းစားလာလို့ထင့်၊ အဘရဲ့အသားအရည်က နေပူအကြာကြီးလှန်းထားတဲ့ အမဲခြောက်ရဲ့အရောင်မျိုး ...။ ဒါပေမယ့် အဘက ပါဝါမျက်မှန် မလိုဘဲ နေပူရင် လည်ပင်းမှာ ကြိုးနဲ့ သိုင်းလွယ်ထားတဲ့ နေကာမျက်မှန်အမဲကြီး တပ်ပြီး နင်းလေ့ရှိတယ်။

လူကိုယ်တိုင် လိုက်ပါစီးနင်းဖြစ်တဲ့ အခေါက်တွေဆို အဘနဲ့ ကျနော် ဟိုဟိုဒီဒီ ပြောဖြစ်ကြရင်း အဘအကြောင်းတွေ ပိုသိလာရတယ်။ အဘက အဘိုးကြီးအဘွားကြီး နှစ်ယောက်တည်းနေတာ။ အဘွားက အဘထက် တနှစ်ပဲ ငယ်ပြီး အိမ်မှာပဲနေတယ်။ ဒါပေမယ့် အဘွားနဲ့က ဒုတိယအိမ်ထောင်။ ပထမအိမ်ထောင်နဲ့ သားနှစ်ယောက်ရှိပြီး သားတွေက ကချင်ပြည်နယ်ဘက်မှာနေတယ်။ မလာတာ၊ မတွေ့တာ နှစ်အတော်ကြာပြီလို့ အဘ ပြောတယ်။ ဆိုက္ကားမနင်းခင် ငယ်စဉ်က အဝေးပြေးကုန်ကားမောင်းတယ်လို့ သိရတယ်။

တခါသားမှာ “အိမ်က အဘွားကော ကျန်းမာရေးကောင်းလား အဘ” လို့ ကျနော် မေးတော့ အဘက “ကောင်းတယ်၊ မင့်အဘွားက အသက်သာ ၈၄ နှစ်ထဲမှာ ဆံပင်တချောင်း မဖြူဘူး” လို့ ပြောပြီး ဆိုက္ကားနင်းရင်း အဘ ကြည်နူးပြုံးလေးပြုံးနေတယ်။

“အဘတို့နှစ်ယောက် တနေ့ စားစရိတ် ဘယ်လောက်ကုန်လဲ” လို့ ကျနော် မေးတော့ အဘက “ထောင့်ငါးရာ နှစ်ထောင်လောက်တော့ ကုန်တာပေါ့ ငါ့မြေးရာ” လို့ ဖြေတယ်။

“တရက် ဆိုက္ကားနင်းလို့ရတဲ့ ၀င်ငွေနဲ့ အဘတို့နှစ်ယောက် စားလို့လောက်လား အဘ” လို့ ကျနော် ဆက်မေးတော့ အဘက “လောက်ပါတယ်။ အဘက ဆိုက္ကားနင်းတာ ၃၈ နှစ်ရှိပြီဆိုတော့ ပုံမှန်ဖောက်သည်လေးတွေ ရှိတယ်။ တနေ့ သုံးထောင်လောက်တော့ ၀င်ပါတယ်။ အဘတို့နှစ်ယောက်က သူများတွေလို ဆောင့်ကြွားကြွားမနေတော့ လောက်တာပေါ့ ငါ့မြေးရာ” လို့ ရယ်ရင်းဖြေတော့ အဘ ပြောတဲ့ ‘ဆောင့်ကြွားကြွား’ ဆိုတဲ့ အသုံးအနှုန်းကို သဘောကျပြီး ကျနော်ပါ အဘနဲ့အတူ လိုက်ပြီး ရယ်မိတယ်။

“ဒီမြို့မှာ ဘိုးဘွားရိပ်သာ ရှိတာပဲ၊ အဘတို့နှစ်ယောက် သားထောက်သမီးခံမှ မရှိတာ၊ အဘတို့ နေမယ်ဆို ဟိုက လက်ခံမှာပါ” လို့ ကျနော် အကြံပြုမိတော့ “အဘတို့နှစ်ယောက်ကို ခေါ်တယ်၊ အဘတို့က မသွားတာ၊ ဟိုမှာက သူ့စည်းသူ့ကမ်းနဲ့ နေရမှာဆိုတော့ အဘတို့ နေတတ်မှာမဟုတ်ဘူး၊ ပြီးတော့ အဘက အလုပ်မလုပ်ရရင်လည်း မနေတတ်ဘူး ငါ့မြေးရ၊ အဲတော့ ဘာမှမလုပ်နိုင်တဲ့အခါကျမှပဲ သွားနေတော့မယ် စိတ်ကူးတယ်။ အခုက အဘတို့ နှစ်ယောက်တည်း ဘာအပူအပင်မှမရှိဘူး၊ အေးချမ်းတယ်” လို့ ပြောပြီး အဘ ရယ်နေတယ်။

များသောအားဖြင့် ပစ္စည်းဝယ်တာရယ်၊ ကျနော် ကြိုက်တဲ့ ချစ်တီးပဲဟင်း ၀ယ်တာမျိုးရယ်ဆို လူကိုယ်တိုင် မလိုက်တော့ဘဲ အဘကိုပဲ ၀ယ်မယ့်ပစ္စည်းဖိုး ကျသင့်ငွေ ပေးပြီး လွှတ်လေ့ရှိတယ်။

အဲသလို အဘနဲ့ ရင်းနှီးခဲ့တာ တနှစ်နီးပါး ကြာတဲ့အထိ အဘနာမည်ကို ကျနော် မမေးမိခဲ့ဘူး။ “အဘ အဘ” နဲ့ပဲ နှုတ်ကျိုးနေခဲ့တယ်။

တရက်မှာတော့ ကျနော် မှာတဲ့ ချစ်တီးပဲဟင်းချိုင့်လေး လာပေးရင်း အဘက “ငါ့မြေး အဘနာမည်လည်း မှတ်ထားဦး၊ အဘနာမည်က ဦးဂျော်ဂျီ၊ အဘက နားနည်းနည်းလေးတယ်၊ နောက်ဆိုရင် ဦးဂျော်ဂျီလို့သာ လှမ်းအော်လိုက်” လို့ စိတ်လိုလက်ရ ပြုံးပြီး ပြောတယ်။

ကျနော်က “အဘနာမည်က ဦးဂျော်ဂျီဆိုတော့ အထူးအဆန်းပါလား” လို့ မေးခွန်းထုတ်မိတော့ “အဘက မန္တလေး ဖာသာလဖုန်း မိဘမဲ့ကလေးများကျောင်းထွက်ကွ၊ ကျောင်းနာမည် မောင်ဂျော့ခ်ျ … ‘ဂျီ အီး အို အာရ် ဂျီ အီး’ ကို ရပ်ကွက်ထဲကလူတွေက ဂျော်ဂျီလို့ ခေါ်ရင်း ဦးဂျော်ဂျီဖြစ်သွားတာ ဟား ဟား ဟား” လို့ ပြောပြီး သဘောကျစွာ ရယ်မောရင်း ''သွားဦးမယ်'' လို့ ကျနော့်ကို နှုတ်ဆက်တယ်။

ဆိုက္ကားတွန်းပြီး ပြန်ထွက်သွားတဲ့ အဘရဲ့ကျောပြင်ကို ရပ်ငေးနေမိရင်း “အဘဦးဂျော်ဂျီ … အဘဦးဂျော်ဂျီ” လို့ ကျနော် တိုးတိုးရေရွတ်နေမိတယ်။

ဒေါက်တာလွဏ်းဆွေ
၂၅ ဇွန် ၂၀၁၆
ည ၉း၄၄ နာရီ
---------------
ဓာတ်ပုံ - လွန်ခဲ့တဲ့ ၃ ရက်က အမှတ်တရ ရိုက်ကူးထားတဲ့ အဘဦးဂျော်ဂျီ

အပြည့်အစုံသို့...

ဆလိုင်းတင်မောင်ဦး ကျဆုံးခြင်း နှစ် ၄၀ ပြည့်ရုပ်သံ

အပြည့်အစုံသို့...

Saturday, June 25, 2016

မြစ်ကြီးနားမှာ သေနတ်မှန် သေဆုံးခဲ့တဲ့ တက္ကသိုလ်ကျောင်းသားကိစ္စ အမှုမှန် ပေါ်ပေါက်ဖို့ ရန်ကုန်တက္ကသိုလ်တွင် လက်ကမ်းစာရွက် လိုက်လံ ဝေငှ (ရုပ်သံ)

အပြည့်အစုံသို့...

ဂွမ်ဆိုင်းအောင် သတ်ခံရမှု ဘယ်သူ့မှာ တာဝန်ရှိလဲ (ရုပ်သံ)

မြစ်ကြီးနားမြို့ ကွန်ပြူတာတက္ကသိုလ်ကျောင်းသား ဂွမ်ဆိုင်းအောင်ကို အစိုးရတပ်က တပ်သားတယောက် သေနတ်နဲ့ ပစ်ခတ်ခဲ့မှုနဲ့ပတ်သက်လို့ ရန်ကုန်မှာရှိတဲ့ ကချင်စာပေနှင့်ယဉ်ကျေးမှုအဖွဲ့နဲ့ ရန်ကုန်အရှေ့တိုင်း ဗကသ ကျောင်းသားတွေဟာ ဇွန်လ ၂၄ ရက်နေ့က ရန်ကုန်တက္ကသိုလ်ဝင်းထဲမှာ စုစည်းခဲ့ကြပါတယ်။

အပြည့်အစုံသို့...